http://www.amigosdaterra.net/index.php?name=News&file=article&sid=228
|
Como consecuencia da denuncia que Amigos da Terra interpuxo en novembro de 2.006, realizada ante a Consellería de Medio Ambiente da Xunta de Galicia e remitida á Confederación Hidrográfica do Norte, AQUAGEST, S.A. é sancionada por Resolución do Ministerio de Medio Ambiente ao pago de 30.050,62€ e á obriga de repor as cousas o seu estado primitivo.
Os feitos son consecuencia da derivación de augas e das obras ilegais acometidas por AQUAGEST, S.A. no encoro de Castadón. O encoro de Castadón ven sendo obxecto de presunta mellora para o subministro de auga potable á cidadanía ourensá.
Preténdese aumentar a capacidade de subministro e almacenamento reparando a galería de toma e instalando unha condución de fundición de 700 milímetros de diámetro dende a galería do encoro ata a estación de bombeo co presunto fin de aumentar a capacidade de abastecemento de auga potable para Ourense. Así mesmo, estase presuntamente, aumentando a captación de auga do encoro a través da galería, o que puidera dar lugar a non respectar o caudal ecolóxico regulamentariamente previsto, que é aquel necesario para manter o río nunhas condicións que permitan o mantemento de vida ecolóxica e máis tendo en conta que este río discorre baleiro case 8 meses ao ano. Elo supuxo deixar sen auga o encoro durante a execución das obras o que conlevou a unha perda da biodiversidade danando gravemente a riqueza piscícola e a flora do lugar. As obras se están levando a cabo nun solo de dobre protección: forestal e espazo natural, coa conseguinte perda de biodiversidade animal e vexetal e así, producíndose problemas ecolóxicos tendentes a acabar cos hábitats de flora e fauna. A Confederación Hidrográfica do Norte decidiu por dúas ocasións incoar expediente sancionador contra AQUAGEST, S.A. acordando impor sancións por importe de 450€. Ademais, desde o Organismo de Conca sinalan a falta de autorizacións da empresa para facer estas obras. De todo isto parece desprenderse a presunta apropiación de Fondos Europeos destinados á obra de mellora do encoro que non parecen coincidir cos proxectos ata o de agora executados por AQUAGEST, S.A. en connivencia co concello de Ourense. |
| -----------------------------------------------------------------
Enviado porAmigosdaTerra.
|
RESPONSABLES:
| "EMPRESA: AQUAGEST, S.A." |
| "CONCELLO OURENSE" |
| "CONSELLERIA MEDIOAMBIENTE" |
| "CONFEDERACION HIDROGRAFICA NORTE" |
"De todo isto parece desprenderse a presunta apropiación de Fondos Europeos destinados á obra de mellora do encoro que non parecen coincidir cos proxectos ata o de agora executados por AQUAGEST, S.A. en connivencia co concello de Ourense"
Non me estrañaria nada. Eles o guisan e eles o comen. Faite amiguiño do alcalde e do concellal de servicios e en vez de falar co pobo, xa arranxas con eles o que ti queiras. Asi si que e facil a cousa. Desa empresa xa mo creo todo e un pouco mais. O que non sei e onde estan os inspectores do estado neste pais, porque estar todo sabemos que estan, pero ¿donde?, eso xa e outra cuestion.
De feito, se os funcionarios funcionasen, este tipo de empresas xa nunca terían cabida na nosa terra, como tería que ser o normal. A quen se lle conte que a auga podería convertirse un dia en "negocio" (e dos millonarios) non o creeria.
Temos a merda que nos merecemos.