AdT é insultada por un membro do concello de Cerdedo
http://www.amigosdaterra.net/index.php?name=News&file=article&sid=220
departamento xurídico da asociación ecoloxista galega recibe insultos vexatorios por parte do Xefe de Obras do concello de Cerdedo, en Pontevedra, quen está organizando unha montería de xabarís para o sábado 24 e domingo 25 de febreiro nos montes do concello e estando, dita montería, desautorizada pola Xunta de Galicia.
Amigos da Terra despois de recibir unha denuncia sobre a inminente realización dunha montería de xabarís no concello de Cerdedo, comeza a indagar sobre a existencia ou non de autorizacións pertinentes para facer a citada montería.
Unha vez coñecido este dato, a asociación contacta novamente co concello que lle facilita o teléfono da persoa organizadora da montería.
Esta persoa fala co departamento xurídico da asociación o cal lle informa da imposibilidade de poder levar a cabo a batida pois carecen de autorizacións, pero dito organizador procede a rebater esa información con insultos e facendo caso omiso da información proporcionada.
Esta persoa admite estar ao tanto da desautorización da montería por parte da Xunta de Galicia, pero que iso non lle suporá ningún impedimento para facela e se basa na necesidade de xabarís para proceder á celebración da festa do pobo.
Amigos da Terra ven de emprazar ao Servizo de Protección da Natureza de Pontevedra para que mañá se persone no concello e impida a execución da montería.
Tamén comunica a situación á Consellería de Medio Ambiente e Desenvolvemento Sostible da Xunta de Galicia e ao responsable da delegación provincial da Consellería de Medio Ambiente de Pontevedra na materia.
Así mesmo, está pendente de falar co alcalde do concello de Cerdedo para que lle esixa ao Xefe de Obras do mesmo, que se retracte e pida desculpas polos improperios soltados.
| "Xefe de Obras do concello de Cerdedo" |
